రాజస్థాన్ రాజకీయ పరిణామాలపై ఆ రాష్ట్ర మాజీ ముఖ్యమంత్రి, భాజపా సీనియర్ నేత వసుంధరా రాజే తొలిసారిగా స్పందించారు. కాంగ్రెస్ పార్టీ లోపాలకు.. ప్రజలు మూల్యం చెల్లిస్తున్నారని ఆవేదన వ్యక్తం చేశారు. రాష్ట్ర రాజకీయ సంక్షోభానికి.. భాజపాకు సంబంధం లేదని తేల్చిచెప్పారు.
"ఈ వ్యవహారంలో భాజపాను, భాజపా నేతలను మధ్యలోకి తీసుకురావడంలో అసలు అర్థమే లేదు. కాంగ్రెస్లో లోపాలు, కరోనాపై ప్రభుత్వ వైఫల్యాన్ని కప్పిపుచ్చుకోవడానికి భాజపాపై నిందలు వేస్తున్నారు. రైతుల పంటలపై మిడతలు దాడి చేస్తున్నాయి. రాష్ట్రంలో మహిళలపై నేరాలు విపరీతంగా పెరిగిపోయాయి. విద్యుత్ కొరత తీవ్రంగా ఉంది. కాంగ్రెస్ తప్పులకు ప్రజలు మూల్యం చెల్లిస్తున్నారు."
-వసుంధరా రాజే, రాజస్థాన్ మాజీ ముఖ్యమంత్రి.
ప్రజలే ముఖ్యమని.. వారి సమస్యలను పరిష్కరించడమే ప్రాధాన్యమని వెల్లండించారు రాజే.
ఇదీ చూడండి:- 'భాజపా కుట్రలకు నిదర్శనం రాజస్థాన్ సంక్షోభం'
సంక్షోభం ఇలా...
గత కొంత కాలంగా కాంగ్రెస్పై అసంతృప్తితో ఉన్న యువనేత సచిన్ పైలట్.. రెబల్గా మారారు. దీంతో రాజస్థాన్ ప్రభుత్వంలో రాజకీయ సంక్షోభం ఏర్పడింది. అనంతరం పైలట్పై వేటు వేసింది కాంగ్రెస్. డిప్యూటీ సీఎం, పీసీసీ చీఫ్ పదవుల నుంచి తప్పించింది. ఈ పరిణామాలపై స్పందించిన పైలట్.. నిజాన్ని వక్రీకరించగలరు కానీ, ఓడించలేరని పేర్కొన్నారు. తాను భాజపాలో చేరడం లేదని స్పష్టం చేశారు.
ఇవీ చూడండి:-
